Мөселман календарендә изге саналган Рәҗәб аеның беренче көне. Бу айда Ибраһим пәйгамбәрнең, Гайсә пәйгамбәрнең туган көннәре. Шулай ук кече хаҗ, гомрә хаҗы кылына.

Мигъраҗ кичәсе. Мөхәммәд пәйгамбәрнең Мәккә шәһәренннән Иерусалимга һәм аннан җиде кат күккә – Аллаһы Тәгаләнең тәхете янына кылган могҗизалы сәяхәте. Мигъраҗ уразасы 11 көн ураза тотуга тиңләнә.

Бәраәт кичәсе гыйбадәте, ягъни “ләйләтүл – Бәраәт”. Бәхет һәм һәртөрле уңышлар, игелекләр иңә торган изге көн. Нәкъ шушы төнне Аллаһы Тәгалә, һәркемнең изге гамәлен һәм догаларында ялварып сораган үтенечләрен исәпкә алып, кешеләрнең язмышы турында карар кабул итә.

Идел Болгарстынында ислам динен рәсми рәвештә кабул иткән көн (310 нчы – һиҗри, 922 милади ел).